Ujio Mpya wa Ray C Kudondosha Alabum
WAKATI asilimia kubwa ya wasanii wa Bongo Fleva wakiachana na mpango wa kutoa albamu, Rehema Chalamila ‘Ray C’, amerudi rasmi katika muziki huo na wimbo wake mpya wa ‘Mshum Mshum’ huku akitamba kudondosha albamu.
Ray C alibainisha kuwa albamu yake itakuwa na nyimbo nane, ikiwa amemchukua mwaka mmoja na nusu kuiandaa mpaka kuikamilisha mwishoni mwa mwaka huu.
“Albamu yangu ina nyimbo nane na imechukua mwaka mmoja na nusu kuimalizia, najua mmesubiri sana na wengine walidhani sitarejea tena kwenye muziki, haya sasa bidada karudi tena kwa nguvu zote na Mwenyezi Mungu kabariki wimbo wangu unafanya vizuri na nimepokea pongezi nyingi kutoka kwa mashabiki,” alisema Ray C.
Ray C aliyesifika kwa kuzungusha kiuno chake, alisema pongezi anazozipokea zinampa moyo wa kuzidi kufanya kazi nzuri zaidi.
“Eeh Mola niepushe na husda za binadamu, nifungulie milango yenye neema na baraka zote,” alisema Ray C.
