Bongo Gossip

It’s official, Diamond na Wema Sepetu hawapo pamoja tena.
Habari hiyo imekuja katika siku ambayp Diamond amegeuka shujaa kwa kunyakua tuzo za tatu za Channel O. Miongoni mwa watu waliompongeza kwa ushindi huo ni Wema Sepetu ambaye tumezoea akimuita staa huyo ‘my baby’, awamu hii ameitwa ‘kaka’.

“Gnyt Instagramers… And Hongera tele ziende kwa kaka platnumz… I must say he did Tanzania proud,” aliandika Wema kwenye Instagram muda mfupi baada ya tuzo hizo kuisha ikimaanisha kuwa alikuwa akizifuatilia

Tofauti na kwenye tuzo za MTV MAMA, msichana aliyekuwa ubavuni mwa Diamond kwenye tuzo hizo ni Zari the BossLady – na hivyo kuthibitisha tetesi zilizovuma kuwa wawili hao ni wapenz.

Pamoja na Zari, Diamond alisindikizwa na mama yake ambapo walikuwa pamoja na Zari kwenye red carpet na hata kuzunguka pamoja jijini Johannesburg.

NAY WA MITEGO AFUNGUKA KUHUSIANA NA WIZI WA ESCROW

Escrow, Habari za Kitaifa, Nyota wa Bongo

Haya ndo maneno ya Nay wa mitego kuhusiana na kashfa ya escrow

"Hii nchi imeozaa.Kwa Stahili hii viongozi wataendelea Kuiba tu. Coz wanajua hawatafungwa na wataendelea kubebana na Yataisha tu.

Nyie wananchi mnaojifanya mnahasira kwa kupiga wezi hamna lolotee. Wezi wa kupiga mnawaacha mnawapiga vibaka.

Ndio nyie mtu mweusi akiiba kitumbua mnampiga,akiiba
mzungu kitumbua hicho hicho mnaishia kucheka tu. Yani Hata nisikie nchi hii imeuzwa sitashtuka na wala sitahangaika kuangalia sijui bunge sijui uchafu gani. Yani ukipata nafasi ya kupiga hela nchi hii wewe piga tena kwa asilimia zote wala usiogope"

DIAMOND PLATINUMZ ALAMBA TUZO HUKO SOUTH AFRICA

Diamond Platnumz, featured, Nyota wa Bongo

Kwa hili diamond anastahili pongezi.Hongera sana Diamond Platinumz kwa tuzo ya Most Gifted Afro Pop Artist, ukiwa kama mtanzania na kijana mpenda maendeleo ya Taifa hili. now ameshachukua Tuzo ndani ya Afrika Kusini bendera yetu ameipeperusha Vyema
angalia picha zaidi hapo chini

Diamond Akiwa na Meneja wake Babu Tale na Mkubwa Fellah

WENGINE HATUISHI KWA KUTEGEMEA WANAUME "KAJALA"

Kajala Masanja, Nyota wa Bongo, Udaku wa Africa

MSANII Kajala ametamka kwamba siyo kila mwanamke mwenye fedha anatoa kwa wanaume, wengine wana madili mjini kutokana na kuja kitambo.

“Sidhani kama kuna mtu anayenifahamu vizuri, hamfahamu kuwa mimi ni mjanja na nimezaliwa mjini kitambo, katika suala la kusaka mkwanja hakuna mwenye cha kuniambia, hivyo kila nilichonacho ni kwa jasho langu na kutumia akili siyo za kupewa kama zawadi, ”anasema Kajala ambaye amekuwa akihusishwa na ugomvi wa kimasilahi na msanii wa filamu Wema Sepetu.

“Hata ukiona nimeandikwa vibaya, nimesemwa vibaya, nimetishwa, usifikiri nakosa usingizi au naahirisha safari ya China au Dubai, hapana nakwenda kwa sababu nafahamu wanaosema ni madebe matupu hawaachi kupiga kelele.”

“Kuna watu wapo kati kati yangu na marafiki zangu, lakini mimi ninawapenda na kuwaheshimu wote, kwani naamini wana mchango mkubwa kwangu hata kama wao hawafahamu hilo,” anasema Kajala , mrembo kutoka Mkoani Mwanza aliyejaaliwa umbo la kuvutia.

LUNGI ATOA ONYO KWA WANAOMNYEMELEA BWANA WAKE

Bongo Movie, featured, Nyota wa Bongo, Udaku wa Africa

Staa wa filamu za Kibongo, Lungi Mwaulanga amesema mwanaume aliyezaa naye (jina ni siri yake) anampenda sana na mwanamke asiyejipenda amshobokee aone kitakachompata.

Staa wa filamu za Kibongo, Lungi Mwaulanga.

Akipiga stori na Ijumaa Lungi amesema anajua kuwa wapo wanawake ambao wakiamua kutembea na waume za watu hawashindwi lakini akasema, kwa bwana wake aliyezaa naye akigundua kuna anayemnyemelea, atakufa naye.
“Nawataha-dharisha tu wasije kuthubutu kutoka na mwanaume ambaye ananipa jeuri hapa mjini kwani nitawafanyia kitu mbaya. Wanaonijua wananielewa na wanaujua moto wangu ninapoingiliwa kwenye anga zangu,” alisema Lungi.

DIAMOND PLATNUMZ" ZARI NI PROJECT TU" MKE NI WEMA NA PENNY

featured, Mapenzi, Udaku wa Africa, Wema Sepetu, Zari The Boss Lady

Kuhusu picha ambayo yeye na Zari The bosslady, wanaonekana busu, Unajua kwenye muvi kuna watu wanaonekana wanakulana kabisa.Hawana nguo Kabisa, so ukiangalia kwa mtazomo mfupi unaweza kuona walikuwa wanamegana. That's why we said before its project. Project ina vitu vingi. Unajua ilikuwa rahisi kutoka mwanzo kusema project yenyewe ni hii na hii.Lakini ukisema unakuwa unauwa kick ya project. Lazima watu wasubiri kwa heshima na taadhima kama ina dondoka lini. Ila nafikiri muda wake umebaki mchache sana.

Kuhusu wema sepetu na Penny Kupatana mi nafikiri ni kitu kizuri. Wanapokuwa wanapatana ni heri inakuwa inatengeneza mfano bora kufuta zile zama za kijinga na maneno yaliyokuwa yakiandikwa.

Kwa hiyo mimi nafurahi halafu ukizingatia mimi ni muislamu naweza kuoa wanawake wanne.kuhusu kama yeye na Penny Hawapatani tena, sijawahi kupotezana na penny, ni mwanangu sana. Nisiwe mnafiki hata hapa kati kati alikuwa ananipa dili za kazi. Ni mwanangu yani yeye ananiitaga uncle chibu na mimi namuita aunty Penny.

ORODHA YA WALIOTAFUNA FEDHA ZA ESCROW NA RIPOTI YA PAC HII HAPA

Escrow, Habari za Kitaifa

. Kamati ya Bunge ya Hesabu za Serikali (PAC) imewataja vigogo wa serikali, wanasiasa na viongozi wa dini watatu walionufaika na uchotwaji wa Sh306 bilioni katika Akaunti ya Tegeta Escrow na jinsi baadhi walivyotumia mifuko ya plastiki kuzibeba.

Akisoma maoni ya kamati hiyo, Mwenyekiti wa Kamati hiyo, Zitto Kabwe aliwataja waliochukua fedha hizo kutoka kwa mkurugenzi wa VIP, James Rugemalira na kiwango walichopokea katika mabano kuwa ni Mwenyekiti wa Kamati ya Bajeti na Mbunge wa Bariadi Magharibi (CCM), Andrew Chenge (Sh1.6 bilioni) na Waziri wa Ardhi, Nyumba na Maendeleo ya Makazi, Profesa Anna Tibaijuka (Sh1.6 bilioni).

Wengine ni aliyekuwa Waziri wa Nishati na Madini ambaye pia ni mbunge wa Sengerema, William Ngeleja (Sh40.4 milioni), aliyewahi kuwa Waziri wa Nishati na Madini, Daniel Yona (Sh40.4 milioni), Mbunge mstaafu wa Sumbawanga (CCM), Paul Kimiti (Sh40.4 milioni), aliyekuwa mjumbe wa Bodi ya Tanesco, Dk Enos Bukuku (Sh161.7 milioni).

Alisema majaji walioingiziwa fedha ni Jaji Profesa Eudes Ruhangisa (Sh404.25 milioni) na Jaji A.K Mujulizi (Sh40.4 milioni).

Kwa upande wa watumishi wa umma, Zitto alisema kuwa Mkurugenzi wa Mamlaka ya Usajili wa Vizazi na Vifo (Rita), Philip Saliboko (Sh40.4 milioni), aliyekuwa Mkurugenzi wa Kituo cha Uwekezaji (TIC), Emmanuel Daniel Ole Naiko (Sh40.4 milioni) na ofisa wa Mamlaka ya Mapato Tanzania (TRA), Lucy Appollo (Sh80.8 milioni).

Askofu Kilaini atajwa

Zitto alisema, “Kwa upande wa viongozi wa dini ambao waliingiziwa fedha na Benki ya Mkombozi ni Askofu Methodius Kilaini (Sh80.9 milioni), Askofu Eusebius Nzigirwa (Sh40.4 milioni) na Padri Alphonce Twimannye Simon (Sh40.4 milioni).

Aliongeza, “Kamati ya PAC ilithibitishiwa na Mkurugenzi Mkuu wa Takukuru kuwa baadhi ya watu walienda kugawana fedha kwenye benki tajwa (Mkombozi) wakiwa na mifuko ya rambo, sandarusi, maboksi, magunia na lumbesa.”

Mkurugenzi Rugemalira

Zitto alisema Mkurugenzi Mtendaji wa VIP Engeneering, James Rugemalira alipata mgawo wa Dola za Marekani Sh75 milioni kutoka katika fedha zilizokuwa kwenye Akaunti ya Tegeta Escrow na kuzigawa kwa watu mbalimbali.

Rugemalira ambaye alikuwa na hisa 3 kati ya 10 za kampuni ya IPTL, alichukua kiasi hicho cha fedha na kukipeleka katika Benki ya Mkombozi inayomilikiwa na Kanisa Katoliki.

Zitto alisema Rugemalira alionekana kuhusika na IPTL pale alipofungua shauri mahakamani kuomba kuiondoa IPTL kwenye ufilisi na kisha kuuza hisa zake kwa kampuni ya PAP.

Alisema baada ya uamuzi wa Kahakama Kuu kutolewa Septemba 5, 2013, fedha za Escrow zilitolewa kwa haraka na kupelekwa katika benki hiyo baadaye kugawiwa kwa vigogo hao.

Kamati hiyo imekabidhiwa taarifa za Benki za Stanbic na Mkombozi ambazo zimeonyesha namna ambavyo fedha zilichukuliwa na watu na kampuni mbalimbali.

Ripoti hiyo ya PAC iliyosomwa jana ilikuwa na kurasa 116 na maneno 16,979.

ESCROW "WABUNGE WAGANYIKA"

Escrow, Habari za Kitaifa

Dodoma. Waziri wa Nishati na Madini, Profesa Sospeter Muhongo jana alipangua hoja zilizotolewa na Kamati ya Hesabu za Serikali (PAC), kuhusu ufisadi uliofanyika katika Akaunti ya Tegeta Escrow na kuacha wananchi njia panda kwa kutokuelewa nani anasema ukweli kati yake na kamati hiyo, inayoongozwa na Zitto Kabwe.

Juzi, kamati hiyo ya Zitto iliwasilisha ripoti yake kuwa imethibitisha kuwa Profesa Muhongo amekuwa mara kwa mara akilipotosha Bunge na Taifa kwa ujumla kwamba ndani ya fedha hizo hakukuwa na fedha za umma.

Kamati hiyo ilieleza kuwa imebaini kuwa Profesa Muhongo ndiye aliyekuwa dalali mkuu aliyewakutanisha Singh Sethi na James Rugemalira tena katika ofisi ya umma na pengine hilo ndilo lilikuwa sababu ya upotoshaji.

Akiwasilisha taarifa ya Serikali kuhusu hoja hiyo, Profesa Muhongo alianza kupangua hoja moja baada ya nyingine ingawa katika mjadala wa baadaye, zilihojiwa na wachangiaji wengine waliohoji uhalali wa vielelezo alivyotoa.

Kutaifisha mitambo

Jana, alieleza kuwa pendekezo la Kamati ya PAC kutaka mitambo ya IPTL itaifishwe si sawa kwa kuwa kulingana na mkataba wa PPA kati ya Tanesco na IPTL, majukumu ya IPTL yalikuwa ni kujenga, kumiliki na kuendesha (Build, Own and Operate – BOO). Hivyo, kutaifisha mtambo huo ni kukiuka makubaliano katika mkataba wa PPA wa Mei 26, 1995.

“Ukiukwaji wa aina hii ukitokea unaweza kuingiza Serikali katika mgogoro mkubwa ikiwa ni pamoja na kushtakiwa kwenye Mahakama za kibiashara za kimataifa. Aidha, utaifishaji wa miradi ya uwekezaji binafsi itakuwa ni njia ya kufukuza wawekezaji.”

Gharama za uwekezaji

Kuhusu taarifa ya kamati ya PAC kwamba mwaka 2004 Tanesco ilifungua shauri katika Kituo cha Kimataifa cha Utatuzi wa Migogoro ya Kiuwekezaji (ICSID 2) kupinga kiasi kikubwa cha tozo ya gharama za uwekezaji, Profesa Muhongo alisema suala hilo si kweli.

Alifafanua kuwa Tanesco haijawahi kufungua shauri lolote ICSID ya London au Mahakama yoyote dhidi ya Benki ya Standard Charterd kupinga kiasi kikubwa cha Capacity Charge kama inavyoelezwa na PAC.

“Shauri la ICSID 2 lilifunguliwa Oktoba 31, 2010 na Standard Chatered Bank Hong Kong (SCBHK) kwa ajili ya kudai malipo ya deni ililonunua kutokana na mkopo uliotolewa na mabenki ya ushirika ya Malaysia kwa IPTL. Wahusika katika shauri hilo la ICSID 2 ni SCBHK na Tanesco na wala siyo Tanesco na IPTL.”

Alisema Februari 12, ICSID ilitoa uamuzi kuhusiana na shauri la SCBHK na Tanesco na kuwashauri wakae kukokotoa upya malipo ya Capacity Charge. Hata hivyo, ilikuwa vigumu kwa pande hizo kutekeleza uamuzi huo kutokana na pande hizo kutokuwa na mkataba wa kibiashara baina yao.
Vilevile, kupitia shauri la madai Na. 60/2014, lililofunguliwa na IPTL katika Mahakama Kuu ya Tanzania Aprili 4, ilizuia utekelezaji wa maelekezo hayo,” alisema.

Uwekezaji wa Sh50,000

Profesa Muhongo alisema kuhusu madai ya PAC kuwa mtaji wa uwekezaji katika mtambo wa IPTL ni Sh50,000 na kwamba huo ndiyo ungetumika kukokotoa gharama za uwekezaji ili kulipa tozo ndogo kuliko ilivyo sasa, maelezo hayo siyo sahihi.

Alisema ukweli ni kwamba kutokana na uamuzi ya ICSID 1 ya Julai 12, 2001, gharama za ujenzi wa mtambo wa Tegeta ni Dola za Marekani 127.2 milioni kama ilivyoelezwa na taarifa ya Mdhibiti na Mkaguzi Mkuu wa Hesabu za Serikali (CAG).

Profesa Muhongo alisema katika taarifa hiyo, pia imeelezwa kuwa ilikubalika kuwa uwiano wa deni na mtaji utakuwa 70:30 ikiwa na maana kwamba, deni ni Dola za Marekani 89.04 milioni na mtaji ni Dola za Marekani 38.16 milioni na kwamba uamuzi huo haujabadilishwa na Mahakama yoyote au mtu yeyote.

“Tunakubaliana kwamba fedha iliyopokewa kutoka mabenki ya ushirika ya Malaysia kama mkopo ni Dola za Marekani 85.86 milioni ambazo kati ya Dola za Marekani 105 milioni zilizokuwa zimeidhinishwa,” alisema na kuongeza:

“Swali la kujiuliza je, mtambo huo ulikamilikaje kwa gharama ya Dola za Marekani 85.86 milioni, huku gharama halisi ya ujenzi wa mtambo wa Tegeta ikawa Dola za Marekani 127.2 milioni?

Alisema ni dhahiri kwamba kuna matumizi ya zaidi ya Dola za Marekani 38.16 milioni ambazo pia zimetumika kwenye uwekezaji na kwamba Kamati ya PAC haikuonyesha fedha hizo kuwa sehemu ya uwekezaji.

PAP na umiliki wa hisa saba

Profesa Muhongo alisema kuwa kwa mujibu wa taarifa za Brela za Desemba 31, 2013, uhamishaji wa hisa saba za Mechmar katika IPTL kwenda PAP ulisajiliwa hapa nchini. Kwa maana hiyo, PAP ni mmiliki wa asilimia 70 za IPTL.

Alisema Kamati ya PAC imeeleza kuwa PAP siyo mmiliki halali wa hisa saba za Mechmar katika IPTL lakini kamati imethibitisha kwamba nyaraka za mauziano kati ya Mechmer na Piper Link zilipokewa na Harbinder Singh Sethi ambaye pia ndiye mmiliki wa PAP.

“Kwa uthibitisho huo, kamati inakubali kuwa hisa za Mechmer katika IPTL zinamilikiwa na PAP,” alisema Profesa Muhongo.

Akana kuwa dalali

Profesa Muhongo alisema taarifa ya Kamati ya PAC kwamba yeye ndiye aliyekuwa dalali mkuu aliyewakutanisha Harbinder Sethi na James Rugemalira siyo sahihi kuwa tangu Novemba 9, 2011, Rita iliitisha mkutano na kuwakutanisha wadau wote wa IPTL wakati yeye alikuwa hajateuliwa kwenye wadhifa huo.

“Mimi kama ni dalali, udalali wangu ni kupeleka umeme vijijini. Mimi kama ni dalali udalali wangu ni kusaidia wachimbaji wadogo wa madini na kupeleka Watanzania kusoma masters (shahada ya pili) duniani kote.”

Serikali kutokuchukua tahadhari

Waziri alisema Kamati ya PAC, imeeleza kuwa Serikali haikuchukua tahadhari ya kutosha dhidi ya madai mengine yanayoweza kujitokeza kabla ya kutolewa kwa fedha kutoka akaunti ya escrow kitu ambacho alidai si kweli.

Profesa Muhongo alisema kinga iliyochukuliwa inakidhi matakwa ya kisheria na imezingatia athari yoyote ambayo ingeweza kutokea baadaye kutokana na kutolewa kwa fedha katika akaunti ya escrow.

“Kwa hiyo, siyo kweli kwamba Serikali haikuchukua tahadhari kama ilivyodaiwa na PAC.”

Madai ya Sh321 bilioni

Profesa Muhongo alisema hoja ya PAC kwamba imejiridhisha kuwa madai ya Tanesco ya Sh321 bilioni yana uhalali japo usahihi wake utapatikana baada ya kutekelezwa kwa uamuzi wa ICSID 2 na Tanesco na IPTL kukubaliana kiwango sahihi cha Capacity Charge haina nguvu.

“Madai ya kwamba Tanesco inaidai IPTL Sh321 bilioni msingi wake ni dhana kwamba mtaji wa IPTL ni Dola za Marekani 100, sawa na Sh50,000 kwa wakati huo. Dhana hii ilipuuza ukweli kwamba Dola za Marekani 38.16 milioni ziliwekezwa kwenye mradi wa Tegeta,” alisema.

Profesa Muhongo alisema Bodi ya Tanesco imekana kuyatambua madai hayo ya Sh321 bilioni... “Kimsingi hata vitabu vya hesabu vya Tanesco ambavyo vimekuwa vikikaguliwa na CAG, havionyeshi kuwapo kwa deni hilo.”

SAD " KUCHA YA BANDIA YATOA UHAI WA BIBI HARUSI"

featured, Habari za Kitaifa, Urembo

“Sijui walitumia gundi ya aina gani kumbandikia kucha mwanangu, mpaka sasa sielewi, mtoto mwenyewe ndiyo huyo huyo mmoja wa kike niliyekuwa nikimtegemea na ndiyo kwanza ndoa yake bado change kabisa hata mwezi mmoja haina, huu ni mtihani mkubwa kwangu na kwa mumewe ambaye wamefunga naye ndoa wiki tatuzilizopita, inauma sana lakini tunamwachia Mungu.”

Picha ya Marehemu

Ni maneno ya mama mzazi wa Sophia Komba aliyefariki dunia hivi karibuni jijini Dar es Salaam, baada ya kupata kidonda kwenye kidole chake cha mkono wa kushoto alipokuwa akibandua kucha za bandia alizobandikwa siku ya harusi yake na kusababisha apatwe na tetenasi.

Sophia hadi kifo kinamkuta alikuwa na umri wa miaka 28, Oktoba 15 alifunga ndoa na Richard Mmary katika harusi ya aina yake iliyofanyika jijini Dar es Salaam.

Wakisimulia namna walivyomuuguza Sophia kwa takriban wiki moja na nusu, mume wa marehemu anasema wiki moja baada ya sherehe ya harusi yao, Sophia aliamua kwenda tena salon kwa ajili ya kutengeneza nywele na kutoa kucha alizobandikwa siku ya harusi yao.

“Ilikuwa siku ya Jumamosi jioni, Sophia aliniaga anaenda saluni, alirudi baada ya saa mbili kupita lakini alikuwa akilalamika kuwa kidole kinamuuma sana, nikamuuliza amefanya nini akanijibu kuwa alikuwa anabandua kucha, lakini bahati mbaya kucha moja inaonekana ilibandikwa vibaya walipokuwa wanaibandua ilibanduka na ngoziya pembeni ya kidole na ikamuachia kidonda.

“Sikujali sana nikajua nikidonda cha kawaida tu,nikaenda kwenye duka la dawa nikamnunulia spiriti nikamsafisha lileeneo, lakini kilichonishangaza alikuwa akilalamikia maumivu makali,” anasema.

Mama yake Sophia, Victoria Haule anasema kuwa anaamini kuwa kifo cha mwanaye kimetokana na kucha bandia ambayo ilimsababishia apatwe na tetenasi.

“Tulipoona maumivu yanamzidia, tulimpeleka Hospitali ya Sinza, daktari alipomfanyia vipimo alitutaka tumpelekeHospitali ya Mwananyamala kwa matibabu zaidi, kwa kuwa alibaini kuwa Sophia ana tetenasiiliyosababishwa na kile kidonda.
Binafsi niliamini kucha ile ndiyo tatizo, kwa kuwa ilifikia hatua mkono mzima ukawa umevimba na kubadirika rangi na kuwa mweusi sana kama damu imevilia,” anasimulia mama yake Sophia.

Kwa maelezo ya nduguhao wa marehemu, Sophia alifariki dunia akiwa anapatiwa matibabu na kwa mujibu wa daktari kifo chake kilisababishwa na tetenasi.

Angalizo

Mabibi harusi wengi hivi sasa na hata wanawake kwa wasichana wanapendelea sana kubandika kucha bandia wakilenga kuboresha mwonekano wa vidole vyao.

Wengi hupenda kuwa na kucha ndefu ambazo huzipaka rangi na hivyo kuvutia pindi mtu azionapo.

Licha ya wao kuona kuwa kwa kufanya hivyo hupendeza, daktari mmoja wa magonjwa ya ngozi, anasema urembo wa kubandika kucha una athari zake kutokana na kutumika kwa gundi ambayo hunatahata kwenye ngozi.

Dk. Patrick Kashaija, wa Hospitali ya St. Benedict ya jijini Dar es Salaam, anasema amewahi kukutana nakesi za aina kama ya marehemu Sophia nyingi ambazo husababishwa na kubandikwa kucha za bandia.

JAHARI ANASWA KWA MGANGA

Nyota wa Bongo, Udaku wa Tanzania

STAA wa filamu za Kibongo, Blandina Chagula (pichani) maarufu kama Johari, hivi karibuni alidaiwa kuonekana akiingia nyumbani kwa mganga wa kienyeji (jina linahifadhiwa) katika Kijiji cha Kibeta, mjini Bukoba mkoani Kagera.

Staa wa filamu za Kibongo, Blandina Chagula.

Chanzo chetu cha habari kimedai kuwa Johari akiwa katika bodaboda, aliingia kwa mganga huyo wa kike anayefahamika sana eneo hilo.
“Sijui nilikuwa namfananisha? Nimemuona msanii wenu hapa Kibeta akiingia kwa mganga ila nimeshindwa kumpiga picha maana kasimu kangu ni ka’ tochi, labda kaja kuweka mambo yake sawa,” kilidai chanzo hicho.
Baada ya kunyetishiwa habari hizi, mwandishi wetu fasta alibonyeza namba za Johari katika simu yake ambaye alikiri kuwepo Bukoba kwa siku mbili kwa shughuli zake.
“Jamani siyo kila kitu muandike, mmejuaje mimi nilienda Bukoba, naomba hii isiwe habari tafadhali si ulimwengu mzima ujue mimi nimefanya nini,” alisema Johari, mmoja wa waigizaji nyota na mkurugenzi mwenza wa RJ Company.
Katika kujitetea zaidi, Johari alisema alikwenda Bukoba kwa mama yake mkubwa, (jina linahifadhiwa) ambaye hakujua kama anajishughulisha na mambo ya uganga kwani hakuwahi kusikia.
“Sikupenda hii habari kabisa, lakini kiukweli nilienda kumuona mama yangu mkubwa nikiwa na ndugu zangu wengine, kwani alikuwa akiumwa, sikukaa sana, nilikaa siku mbili tu na kugeuza kwani nilikuwa nikitokea Shinyanga kwenye msiba kama ulisikia nilifiwa,” alisema na kuongeza kuwa hajawahi kupanda pikipiki kwani magari yapo tena kwa bei rahisi.

PENGO LA RECHO HAKUNA WA KULIZIBA" SAGUDA

Mapenzi, Nyota wa Bongo

ALIYEKUWA mchumba wa msanii wa filamu Bongo, marehemu Sheila Haule ‘Recho’, George Saguda amefunguka kuwa picha za mwanadada huyo zimekuwa zikimfanya asiwe na hisia za kuwa na mwanamke mwingine.

George Saguda akiwa na aliyekuwa mchumba wake marehemu Sheila Haule ‘Recho’.

Akipiga stori na gazeti hili hivi karibuni, Saguda alisema tangu mchumba wake huyo afariki dunia hajawahi kuwa na mwanamke na hana mpango huo kwa sasa labda hapo baadaye.
“Tangu alipofariki Recho niko peke yangu na sina mpango wa kuwa na mwanamke mwingine, kwani kila ninapozitazama picha zake naumia sana,” alisema Saguda.
Saguda aliongeza kuwa, licha ya kwamba yeye ni mwanaume aliyekamilika lakini tangu mchumba wake alipofariki dunia hana hisia za kimapenz kwa mwanamke mwingine na akipata hali hiyo huzitazama picha zake hisia hizo hutoweka.

MUONEKANO WA YULE HOUSEGIRL MTESAJI BAADA YA KUPATA KIPIGO KWA BABA MTOTO

Habari za Kimataifa, Maisha

Picha hii imetolewa mitandaoni.
Huu ndio muonekano wa yule msichana wa kazi za ndani aliye tenda unyama wa kutaka kumuua mtoto wa bosi wake atimaye naye amepokea kipigo takatifu cha nusu kufa kutoka kwa wazazi wa uyo mtoto hii ni moja ya picha zilizo vuja ambazo wazazi wa mtoto family iyo walizificha.

Unaambiwa haya yote yasingejulikana kama Polisi isingemkamata baba mzazi wa mtoto huyu, yani baba alipoona ile video ndioakampiga Msichana huyu wa kazi ambae baada ya kipigo alikwenda kumshitaki baba wa mtoto Polisi.

Polisi walipomchukua Erick Kamanzi (Baba wa mtoto) nyumbani kwa ke na kumfikisha Polisi ambako alieleza sababu za kumpiga Msichana huyu na kuwaonyesha Polisi video ambayo ni ya tukio la mtoto wake kupigwa.

Baada ya hapo Polisi ndio wakamwachia na kumkamata Msichana

GARDER WA JAY DEE ABAMBWA AKILA UJANA NA KABINTI KINGINE.....

featured, Lady Jay Dee, Mapenzi, Udaku wa Africa, Udaku wa Tanzania

Mtangazaji Gardner Gabriel Fikirini Habash ‘Kapteni’ akila ujana na binti (jina halikupatikana mara moja) mrembo bwawani (swimming poOl).

JAHAZI linazidi kwenda mrama! Wakati shauri lao la kugawana mali likidaiwa kufikishwa mahakamani, picha mpya imenaswa ikionesha dhahiri kwamba Mtangazaji Gardner Gabriel Fikirini Habash ‘Kapteni’ ameamua kusonga mbele na maisha yake na kusahau kabisa kama alikuwa na mke aitwaye Judith Daines Wambura Mbibo ‘Jide’, Amani linakupa mchapo kamili.

PICHA IPOJE?
Picha hiyo ambayo inamuashia ‘endiketa’ Jide kuashiria kwamba, Gardner amejiweka pembeni na kuwa bize na ‘starehe’ zake, inamuonesha mtangazaji huyo akiwa ‘ziro distensi’ na kabinti kabichiii (jina halikupatikana mara moja) katika bwawa la kuogelea (swimming pol) huku wakiwa wamening’iniza miguu kwenye maji.
PICHA ILIVYOVUJA
Kwa mujibu wa chanzo makini, picha hiyo iliibwa katika simu ya binti huyo aliyekuwa na Gardner kisha kuisambaza katika mitandao ya kijamii bila yeye mwenyewe kujua.
“Yule dada aliyekuwa na Gardner aliibiwa picha hiyo na shosti yake katika simu yake ndipo akaisambaza mitandaoni,” kilisema chanzo hicho.
NI WAPI?
Mara baada ya mapaparazi wetu kunasa picha hizo, kabla ya kumtafuta Gardner ili kujua ukweli, walianza kusaka eneo ambalo wawili hao walikuwa wakiponda raha zao ambapo jitihada hizo zilikosa majibu ya moja kwa moja.
“Hii ilikuwa ni Mikocheni, Escape One siku hiyo kaka mkubwa alikuwa akifanya yake si unajua tena ameshaona liwalo na liwe,” kilisema chanzo cha kwanza.

ETI NI KIGAMBONI
Chanzo kingine kilichozungumza na mapaparazi wetu kilipishana na mwenzake kwa kudai kuwa wawili hao walikuwa katika ufukwe wa Southern Sun Kigamboni wakijiachia kwa raha zao.
“Mimi kuna kuna mtu kanihakikishia kabisa hii ilikuwa ni Kigamboni, walikuwa wakiponda raha tena Gardner siku hiyo inaonekana alikuwa ameonja kidogo si unajua tena kaka mkubwa na mambo yetu yale, Jide hana chake tena pale,” kilinyetisha chanzo kingine.

Gardner akiwa na Lady Jaydee.

NDIYO ZAKE?
Wakati mapaparazi wetu wakiendelea kuchimba data kuhusiana na mtangazaji huyo ambaye alijizolea umaarufu mkubwa katika Kipindi cha Jahazi cha Redio Clouds FM, chanzo kingine kilipenyeza madai kuwa, Gardner kwa sasa ndiyo zake kujiachia na ‘totoz’ tofauti.
“Aaah…kwani nyinyi hamjui? Jiongezeni bwana, Gardner kwa sasa ameshaondoa mawazo kabisa kwa Jide na badala yake anajipoza tu kwa totoz,” kilisema chanzo.
MAKABRASHA YA LIBRARY
Katika makabrasha yaliyopo katika kumbukumbu za Magazeti Pendwa, Gardner aliwahi kunaswa na kabinti kengine katika Fukwe za Coco jijini Dar wakiwa wamegandana kama kumbikumbi.
GARDNER ASAKWA
Mapaparazi wetu juzikati walimfuata Gardner katika Ofisi za EFM zilizopo Mikocheni jijini Dar ambako mtangazaji huyo anafanya kazi kwa sasa, mtu wa mapokezi alidai hajafika.
ATUMIWA UJUMBE
Jitihada za kumpata kwenye simu zilipogonga mwamba, mapaparazi wetu walimtumia ujumbe mfupi wa maandishi (SMS) kumsomea mashitaka yake na kama ni kweli ameamua kumpotezea mazima Jide.
Gardner hakujibu mapema, baadaye alipigiwa simu, akapokea na kuambiwa ajibu mashitaka yake kama alivyotumiwa katika SMS. Alijibu kuwa yeye ana marafiki wengi hivyo si kila atakayeonekana naye basi ni mpenzi wake. Msikie:
“Hivi kila mdada nitakayeonekana naye atakuwa ni wifi jamani? Mi nina marafiki wa jinsi zote, sina la kusema.”
UKWELI NI NINI?
Mapaparazi wetu walizidi kumtafuta Gardner kujua ukweli wa picha hiyo na eneo walilopigia lakini hakupokea tena hivyo ukweli anaujua mwenyewe.
TUJIKUMBUSHE
Gardner na Jide waliofunga ndoa Mei 14, 2005 na kutobarikiwa kupata mtoto, Agosti mwaka huu walidaiwa kumwagana.

MZAZI WA BINTI AANZISHA VARANGATI BAADA YA KUFUMANIWA MWANAE AKICHEZEWE KWENYE SCENE YA MAHABA

Bongo Movie, featured, Global Publishers., Mapenzi

Baba mmoja ambaye jina halikupatikana mara ameshusha kichapo kwa wasanii ambao ni maprodyuza waliokuwa wakimchezesha mwanaye filamu bila ridhaa yake.

Baba huyo akizuiwa ili asiendelee kushusha kichapo hicho.

Kwa mujibu wa mashuhuda wetu, tukio hilo lilijiri juzikati, maeneo ya Mwananyamala-Komakoma jijini Dar ambapo awali binti huyo ambaye ni msanii chipukizi wa kuigiza aitwaye Jeniffer alidaiwa kupigwa mkwara na baba yake kuwa asijishughulishe na masuala ya muvi na badala yake ajikite kwenye masomo yake kufuatia tasnia hiyo kuhusishwa na skendo za ng0no.
Ilidaiwa kwamba, Jeniffer alikaidi amri ya mzee wake huyo na kwenda kinyemela kurekodi vipande kadhaa vya muvi ya kikundi chao ambapo taarifa zilimfikia baba yake huyo na kuamua kutimba lokesheni.

Baba huyo akijiandaa kumvaa prodyuza huyo.

Ilisemekana kwamba, katika hali iliyompandisha zaidi hasira, mzee huyo alipofika maeneo hayo alimkuta mwanaye katikati ya ‘scene’ ya mahaba aliyokuwa akiigiza na msanii anayetamba kwenye Tamthiliya ya Siri ya Mtungi, Daudi Michael almaarufu Duma.
Baada kushuhudia bintiye ‘akigaragazwa’ kimahaba, mzazi huyo alimvaa msanii Duma na kumshutumu kumharibia binti yake ambapo alimpa kibano pamoja na maprodyusza wenzake kabla ya kuamuliwa na wasanii wengine waliokuwepo eneo hilo.

Watu waliokwepo kwenye sakata hilo wakiamulizia.

Ilidaiwa kwamba, alipoona amewakungung’uta vya kutosha, baba huyo aliondoka na bintiye akiahidi kwenda ‘kumsulubu’ nyumbani kwa kuwa amekuwa sikio la kufa.
Kwa upande wake, Duma alibaki na majeraha mgongoni ambayo hadi waandishi wetu wanafika eneo la tukio yalikuwa yakitoka damu.
Duma alipoulizwa kuhusiana na mzee huyo, alikana kumfahamu na kudai kuwa alipewa mamlaka ya kumtumia binti huyo kwenye muvi na kaka wa msichana huyo.

Baba huyo akiondoka na binti yake.

“Nilimuomba Jeniffer kwa kaka yake na alikubali nishuti naye, sasa sijui nitafanyaje maana tulishashuti scene kibao halafu Jeniffer kashindwa kumalizia,” alisema Duma.

WAZEE WA "ESCROW" NGOMA NGUMU

Escrow, Habari za Kitaifa

WAKATI sakata la kuchukuliwa kwa mabilioni ya shilingi katika akaunti ya Tegeta Escrow likiendelea kuwa gumzo la sasa la mjini, sura mpya imeanza kujitokeza kwa watu zaidi wanaohusishwa na kugawiwa salio kutajwa, licha ya waliotajwa awali kuendelea kubakia katika orodha.

Waziri wa Nishati na Madini, Profesa Sospeter Muhongo.

Kashfa hiyo iliibuliwa kwa mara ya kwanza na mbunge wa Kigoma Kusini kupitia Chama cha NCCR-Mageuzi, David Kafulila katika kikao cha Bunge lililopita, kitu ambacho kilipingwa kwa nguvu kubwa na Mwanasheria Mkuu wa Serikali, Jaji Frederick Werema pamoja na Waziri wa Nishati na Madini, Profesa Sospeter Muhongo.
Hata hivyo, kadiri siku zinavyokwenda hali imeonekana kuwa ni ngumu kwa vigogo wa serikali kwani wanaonekana kama wameshikwa pabaya na wengi wametajwa kuhusika kwa njia moja au nyingine.
Ukiacha Werema, Muhongo na Eliakim Maswi kutajwa kunufaika na uchotwaji wa fedha hizo zilizokuwa Benki Kuu, wengine wanaodaiwa kupata mgao huo ni pamoja na Waziri wa Ardhi, Nyumba na Maendeleo ya Makazi, Profesa Anna Tibaijuka, mwanasheria mkuu wa zamani wa serikali, Andrew Chenge na Gavana wa Benki Kuu ya Tanzania, Profesa Benno Ndullu.

4Aidha vigogo wengine wengi, wakiongozwa na Waziri Mkuu, Mizengo Pinda, nao wanatajwa kuhusishwa na ukwapuaji wa fedha hizo kutokana na nyadhifa zao.
Lakini wakati Bunge hilo likianza vikao vyake vya wiki hii, Spika wa Bunge, Anne Makinda, naye alitajwa bungeni na Mbunge wa Mkanyageni kwa tiketi ya CUF, Habib Mnyaa kuwa anadaiwa kupewa mgao wa dola milioni moja za Marekani.
Kana kwamba haitoshi, Mbunge wa Kigoma Kaskazini, Zitto Kabwe, ambaye ni Mwenyekiti wa Kamati ya Kudumu ya Hesabu za Serikali, katika kijarida maalum kilichochapishwa kumchafua kilichosambazwa Dodoma, naye anatajwa kuchukua mlungula kutoka kampuni inayohusishwa na sakata hilo ya PAP.

Waziri wa Ardhi, Nyumba na Maendeleo ya Makazi, Profesa Anna Tibaijuka.

Akaunti ya Tegeta Escrow ilifunguliwa Benki Kuu ya Tanzania (BoT) ili kutunza fedha ambazo Shirika la Ugavi wa Umeme Tanzania (Tanesco) zilipaswa kuilipa kampuni ya kufua umeme wa IPTL kwa kuiuzia nishati hiyo.
Hiyo ilitokana na shirika hilo la umma, kushtaki katika mahakama ya kibiashara ikilalamikia bei kubwa iliyotozwa na IPTL na kusababisha kufunguliwa kwa akaunti hiyo ili fedha hizo ziwekwe huko hadi muafaka baina ya pande hizo mbili utakapopatikana.
Hata hivyo, kabla ya muafaka huo kupatikana, wajanja walikwenda na kuzichukua fedha hizo ambazo sasa zinawatokea puani!

MENINAH BADO ANAMTAKA DIAMOND PLATINUMZ

Diamond Platnumz, Mapenzi, Nyota wa Bongo

Mganga aliyejita-mbulisha kwa jina moja la Kimweri ameibuka na madai mazito kuwa ndiye aliyemng’arisha staa wa kike wa Bongo Fleva, Meninah Abdukareem ‘Meninah La diva’ hivyo kutoa siri nzito ambayo wengi hawakuijua.

Staa wa kike wa Bongo Fleva, Meninah Abdukareem ‘Meninah La diva’.

Kwa mujibu wa chanzo makini, mganga huyo amekuwa akimfanyia ndumba msanii huyo ili arudiane na aliyekuwa mwandani wake, Nasibu Abdul ‘Diamond Platinum’.
Kwa mujibu wa chanzo hicho, mganga huyo amekuwa akidai kwamba, huwa msanii huyo anatinga nyumbani kwake maeneo ya Mwananyamala-Komakoma jijini Dar kisha kumlilia shida yake akimtaka afanye juu chini kuhakikisha anamrudisha Diamond mikononi mwake.

Meninah Abdukareem ‘Meninah La diva’ akipozi.

Baada ya kukisikia chanzo hicho, waandishi wetu walikwenda nyumbani kwa mganga huyo na walipomuuliza ishu hiyo alikiri Meninah kufika kwake ili kufanyiwa ndumba arudiane na Diamond.
“Yule msanii anayeitwa Meninah ambaye habari zilivuma kuwa anatoka na Diamond na kukanusha, huwa anakuja hapa kufuata tiba na kikubwa anachokitaka anataka nimvute Diamond ili warudiane,” alisema.
Meninah alipoulizwa kuhusu madai hayo aliruka kimanga na kudai hakuwahi kuwa na uhusiano na Diamond na wala hamjui mganga huyo.

DIDAH" NIPO TAYARI KUMCHANGIA EZDEN AKITAKA KUOA"

Mapenzi, Nyota wa Bongo

MTANGAZAJI mwenye maneno lukuki kutoka Radio Times FM, Khadija Shaibu ‘Dida’ amesema kuwa endapo mtalaka wake, Ezden Jumanne akitaka kuoa yeye atakuwa wa kwanza kutoa mchango wa harusi hiyo.

Mtangazaji kutoka Radio Times FM, Khadija Shaibu ‘Dida’.

Dida ambaye kwa sasa yupo singo, alisema japokuwa wameacha na Ezden, lakini hana bifu naye kwa sababu anaamini kuwa yuko katika harakati za kutafuta mke bora hivyo haoni shida kumchangia.

Dida akiwa na mtalaka wake, Ezden Jumanne.

“Ninachoamini mimi Ezden bado anasaka mke mwema na hiyo ni nzuri na wala siwezi kuwa na bifu na mtu wake yeyote atakayempata, nitapenda sana. Haya ndiyo maisha yasiyokuwa na chuki yanayotakiwa,” alisema Dida.

MAHABA YA BOB JUNIOR YAMBADILISHA MAVAZI MREMBO "SABBY ANGEL"

Bob Junior, Mapenzi, Sabby Angel, Udaku wa Africa

MSANII anayekuja kwa kasi katika tasnia ya Filamu Bongo, Sarbrina Omary ‘Sabby Angel’ amefunguka kuwa mwanamuziki, Rummy Nanji ‘Bob Junior’ ambaye kwa hivi sasa ndiye mpenz wake amembadilisha mavazi yake aliyokuwa akivaa awali kabla hawajawa pamoja.

Msanii anayekuja kwa kasi katika tasnia ya Filamu Bongo, Sarbrina Omary ‘Sabby Angel’ akipozi.

Akizungumza na Amani, Sabby alisema kuwa mpenzi wake huyo mara nyingi anapenda ajitande nguo na kuwa mtoto wa Kiislamu kama asipokuwa katika ishu za kurekodi kwani anaamini kuwa binti wa Kiislamu anapaswa kuvaa kiheshima.

Mtoto ‘Sabby Angel’ akiwa na Nanji ‘Bob Junior’.

“Nimekamatika sana, yale mavazi yangu ya awali nimeambiwa ‘stop,’ tukiwa katika mazingira ya kawaida ni lazima nijitande na nionekana haswa ni mtoto wa Kiislamu,” alisema Sabby.

ANTI "LULU" HOI HOSPITALI

Bongo Movie, Nyota wa Bongo

Staa wa Filamu za Kibongo, Lulu Semagongo ‘Aunt Lulu’ yupo hoi kitandani baada ya kusumbuliwa na jino la juu ambalo anahofia kulitoa.

Akizungumza na Amani, Aunt Lulu alisema kuwa anajiona amekonda kwa maumivu ya jino tu na kutokana na vitisho anavyovipata kutoka kwa marafiki zake anaogopa kwenda kuling’oa.
“Yaani nina siku tatu sili nakunywa tu, vile vitu vigumuvigumu kama kuku na nyama za kuchoma navisikia kwa wenzangu kwani vinanishinda, nikitaka kuangua kilio niviweke mdomoni,” alisema Aunt Lulu.
Lulu alimalizia kwa kuwaomba mashabiki wake wamuombee kwani jino ni ugonjwa mdogo sana lakini kwake umekuwa ni mtihani mkubwa kwani kila akitaka kwenda kuling’oa anapatwa na hali ya woga.

WAZIRI MKUU NA WASHIRIKA WAKE KUWAJIBISHWA, SAKATA LA ESCROW.

Escrow, Habari za Kitaifa, Zitto Kabwe

KAMATI ya Kudumu ya Bunge ya Hesabu za Serikali (PAC), imependekeza kutenguliwa kwa nyadhifa na kuwajibika kwa Waziri Mkuu Mizengo Pinda na baadhi ya mawaziri kutokana na sakata la fedha katika akaunti ya Tegeta Escrow ya Kampuni ya Kufua Umeme ya IPTL.
Mbali ya mapendekezo hayo, Kamati hiyo imependekeza pia wote waliochukua fedha kutokana na kashfa hiyo iliyohusisha Sh bilioni 306, wafilisiwe mali zao na kushitakiwa mahakamani.

Wanaotajwa kutakiwa kutenguliwa kwa nyadhifa zao mbali ya kuwajibika kwa Pinda ni Waziri wa Nishati na Madini, Profesa Sospeter Muhongo, Naibu wake, Stephen Maselle, Katibu Mkuu wa wizara hiyo, Eliachim Maswi na Mwanasheria Mkuu wa Serikali, Jaji Frederick Werema.
Kamati hiyo ilitoa mapendekezo yake hayo kutokana na matokeo ya ukaguzi maalumu wa Mdhibiti na Mkaguzi Mkuu wa Hesabu za Serikali (CAG) katika akaunti ya Tegeta Escrow iliyokuwa katika Benki Kuu ya Tanzania (BoT).
Akisoma maoni na mapendekezo ya Kamati baada ya Mwenyekiti wake, Zitto Kabwe kusoma sehemu ya uchambuzi wa sakata hilo, Makamu Mwenyekiti wa PAC, Deo Filikunjombe alisema kwa uzito na unyeti wa suala hilo, Waziri Mkuu Pinda anapaswa kuwajibika kwa kauli zake na kwa kutotekeleza wajibu wake wa kikatiba ipasavyo, ili kurejesha imani ya wananchi kwa Serikali yao na viongozi wao wa kisiasa.
Kwa mujibu wa Filikunjombe, baada ya kupitia vielelezo vilivyomo katika ripoti ya CAG, “Kamati imejiridhisha pasipo mashaka kuwa, Waziri Mkuu alikuwa na taarifa zote kuhusu mchakato mzima wa kuchotwa fedha kutoka katika akaunti ya Escrow.”
“Ushahidi ulioletwa na Ofisi ya CAG kwenye Kamati unaonesha kuwa Waziri Mkuu alikuwa akipata taarifa za jambo hili. “Na Kamati imesikitishwa kuona kuwa Waziri Mkuu hakuchukua hatua zozote kuzuia muamala huu usifanyike,” aliongeza Makamu Mwenyekiti huyo, na kubainisha kuwa Pinda pia aliwahi kunukuliwa akisema fedha za Escrow si za umma.
Kuhusu Profesa Muhongo, Kamati ilieleza kuwa alifanya udalali wa kuwakutanisha Harbinder Sethi na James Rugemalira (waliokuwa wamiliki wa Independent Power Tanzania Limited) na kuwa alilipotosha Bunge kuhusu fedha za akaunti ya Tegeta Escrow kwamba ndani ya fedha hizo, hakukuwa na fedha za umma.
“Hata hivyo, katika hali ya kushangaza, aidha kwa makusudi, ama kwa sababu anazozijua vizuri zaidi mwenyewe, Waziri wa Nishati na Madini ananukuliwa kwenye kumbukumbu rasmi za Bunge, kwa nguvu kubwa na kwa kujiamini, akitetea uchotwaji wa fedha hizo kinyume cha masharti ya mkataba wa Escrow,” alisema Filikunjombe.

Alisema iwapo waziri huyo angetimiza wajibu wake kidogo tu na ipasavyo, fedha za Tegeta Escrow zisingelipwa kwa watu wasiohusika na nchi ingeweza kuokoa mabilioni yaliyopotea kama Kodi ya Ongezeko la Thamani (VAT), Capital Gain Tax na ushuru wa stempu ambazo ni sawa na takribani Sh bilioni 30.
“Kamati inapendekeza kuwa mamlaka yake ya uteuzi, itengue uteuzi wa Waziri wa Nishati na Madini kutokana na sababu zilizoelezwa,” alisema.

Akimzungumzia Maselle, Filikunjombe alisema Kamati imethibitisha kuwa alisema uongo bungeni kwa kutamka kauli ambazo zilikuwa na lengo la kupotosha umma kuhusu akaunti ya Tegeta Escrow, ikiwemo kutoa kauli ambazo zingeweza kusababisha nchi kuingia kwenye mgogoro wa kidiplomasia na nchi ya Uingereza.

“Kamati inapendekeza kuwa Naibu Waziri wa Nishati na Madini (Madini) achukuliwe hatua kali za kinidhamu, ikiwemo kutenguliwa uteuzi wake. “Kamati pia inapendekeza kuwa Naibu Waziri huyu afikishwe mbele ya Kamati ya Bunge ya Maadili ili aadhibiwe kama mbunge kwa kusema uongo bungeni ili liwe fundisho kwa wabunge wengine kuhusu kauli wanazotoa ndani ya Bunge lako tukufu,” aliongeza Filikunjombe.

Kuhusu Mwanasheria Mkuu Jaji Werema, Kamati ilisema imethibitisha kuwa alitoa ushauri ulioipotosha Benki Kuu ya Tanzania kuhusu hukumu ya Jaji John Utamwa kwa kutumia madaraka yake vibaya.
Alisema Jaji Werema aliagiza kodi ya Serikali yenye thamani ya Sh bilioni 21 isilipwe na hivyo kuikosesha Serikali mapato adhimu.

“Mwanasheria Mkuu wa Serikali kwa kujua na kwa makusudi alilipotosha Bunge na Taifa kwamba mgogoro uliosababisha kufunguliwa kwa akaunti ya Escrow ulikuwa ni mgogoro wa wanahisa wa IPTL badala ya mgogoro kati ya Tanesco na IPTL.“
Kamati inapendekeza kuwa uteuzi wa Mwanasheria Mkuu wa Serikali utenguliwe na mara moja afikishwe mahakamani kwa matumizi mabaya ya ofisi yaliyosababisha Serikali kupoteza mabilioni ya fedha,” alisema Filikunjombe.

Akimzungumzia Katibu Mkuu Maswi, Makamu Mwenyekiti huyo wa PAC alisema Kamati inapendekeza uteuzi wake utenguliwe na Takukuru wamfikishe mahakamani mara moja, kwa kuikosesha Serikali mapato na matumizi mabaya ya ofisi na kusaidia utakatishaji wa fedha haramu.
Kamati ilisema imethibitisha Maswi amefanya uzembe wa hali ya juu wa kushindwa kujiridhisha kuhusu masharti ya sheria ya kodi, na pia imebaini kuwa hakujiridhisha uhalali wa Kampuni ya Mechmar kuuzwa kwa Piperlink na baadaye kuuzwa kwa PAP, na hivyo kusababisha fedha za akaunti ya Tegeta Escrow kulipwa kwa asiyestahili kinyume cha mkataba wa akaunti ya Escrow.

Source: Habari Leo.

ALICHOKISEMA WEMA SEPETU BAADA YA KUIONA PICHA HII

Diamond Platnumz, featured, Mapenzi, Udaku wa Africa, Wema Sepetu, Zari The Boss Lady

Baada ya Project ya Diamond Platinumz na Zari The Boss Lady kuwa wazi na kuzagaa kwa picha ambayo wawili hao wanabadfilishana ladha za mate, Aliekuwa Mpenz wa Diamond Platinumz, Wema Sepetu ambaye wamepeaana likizo isiyokuwa na muda maalum, alipanda katka Mitandao ya kijamii na Ku Comment katika Picture hiyo kwa kusema simply "WOW" Kweli mahaba niueeee!!

NJEMBA YABAMBWA IKILA MZIGO NDANI YA SUPER MARKET

featured, Mapenzi, Udaku wa Ulaya, Ufuska

Polisi wamemshikilia kijana aliyekuwa akifanya m@penz na sanamu ya kuchezea watoto ndani ya Supermarket moja nchini Marekani.

Sean Johnson mwenye miaka19 alikamatwa na jeshi hilo baada ya kunaswa na wanunuzi wa bidhaa ndani ya Supermarket hiyo ya Walmart akiwa uchi huku akifanya ng0n0na Sanamu mwenye maumbile ya kike.

Taarifa ya jeshi hilo ilisema Johnson alikamatwa katika video iliyomuonyesha akiwa yupo busy na sanamu hiyo hadi alipogundulika na baadhi ya watu waliokua wakinua bidhaa.

Inasemekana alipokamatwa aliomba radhi lakini wateja walikataa na kumkokota hadi polisi pamoja na sanamu alilokua akifanya nalo kitendo hicho.

HALI BADO TETE KWA ALIYEKUWA MISS TANZANIA 2014

Miss Tanzania, Sitti Mtemvu, Udaku wa Tanzania

Hatima ya kashfa ya kudanganya umri inayomkabili aliyekuwa mrembo wa Tanzania mwaka 2014, Sitti Mtemvu bado ipo kizani baada ya polisi kuikana kauli ya Wakala wa Usajili, Ufilisi na Udhamini (Rita).

Rita, kwa upande wao ilieleza wiki moja iliyopita kuwa imekabidhi polisi vielelezo kuhusu uchunguzi wa kashfa hiyo kwa lengo la kuchukua hatua.

Jana, Kamishna wa Polisi Kanda Maalumu ya Dar es Salaam, Suleiman Kova alikana kupokea taarifa za vielelezo hivyo vilivyotumiwa kuombea cheti cha kuzaliwa cha Sitti Mtemvu.

Wiki mbili zilizopita, Wizara ya Habari, Utamaduni, Vijana na Michezo kupitia Baraza la Sanaa la Taifa (Basata) ilijivua lawama katika kashfa hiyo na kuiachia Rita.

Akizungumza na gazeti hili jana, Kova alisema, “Jeshi la Polisi halijapokea vielelezo vyovyote kutoka Rita, wamepeleka wapi? Iwapo waliviwasilisha katika kituo chochote cha polisi watoe taarifa iliyo sahihi, iwapo vielelezo hivyo vitatufikia tutachukua hatua stahiki,” alisema Kova.

Kwa upande wao, Rita waliahidi kuwasilisha vielelezo hivyo wiki hii na kwamba vilicheleweshwa kutokana na kukamilisha upekuzi wa taarifa za kuombea cheti pamoja na cheti cha awali kilichokuwa kikitumiwa na Sitti Mtemvu.

Mkurugenzi wa Idara ya Sheria wa Rita, Emmy Harrison alisema jana kuwa idara yake imekamilisha taratibu zote zinazotakiwa na vielelezo hivyo vitakabidhiwa rasmi polisi.

“Haya ni masuala ya kisheria, hivyo sisi tumeshakamilisha kile tulichotakiwa kukifanya na mchakato huu bado unaendelea, tupo katika maandalizi ya mwisho kwa ajili ya kuripoti polisi, wiki hii vielelezo vya Sitti vitapelekwa kwenye vyombo vya usalama kwa ajili ya hatua zaidi,” alisema Harrison.

CHIEF KIUMBE" ADAKWA NA POLISI MKOANI DODOMA

Escrow, featured, Habari za Kitaifa, Udaku wa Tanzania

Inasadikika Chief Kiumbe yupo lupango Dodoma kwa makosa mawili moja kukutwa na nyaraka za bunge isivyo halali, mbili kutumia vijana kutishia wajumbe wa kamati ya PAC kwa maelekezo ya Waziri wa Nishati na madini Bw Pro.f Muhongo.

Ni bahati mbaya ila ukweli ni kwamba Muhongo, Werema, na Maswi ni maswahiba wa kutoka sehemu moja ya nchi na hivyo kujikuta wakitumia vijana wao wa kazi kudhibiti anguko lao.

Wizi huu ni wa aibu sana kwa taaluma zao na watu wao. Inasadikika chief Kiumbe aliwahi ama bado ni jambazi hasa pale ambapo rafiki yake ambaye siku zote chief anamkumbuka sana aliuwawa kwa risasi kwenye tukio la ujambazi.

Ni ripoti kutoka Dodoma ni mimi

Chief Mkwawa- mpaka hapo baadaye kwenye saga la ESCROW- hakuna kuzuia mafuriko kwa viganja.

JIONEE CV YA MCH. RWAKATARE, NI YA KU UNGA UNGA AU?!!!

featured, Habari za Kitaifa

kuna mambo hapo juu kwenye hii Cv kidogo yananipa shida. naomba wadau mliosoma zamani mnisaidie. je miaka ya nyuma Elimu ya Msingi ilikuwa miaka mi tatu?

Huyu mama Dr.Lwakatare alisoma Ifakara Girls Primary School

alianza mwaka 1962

na kumaliza 1965

pia nisaidien je elimu ya sekondari A level ilikuwa mwaka mmoja ? Maana yeye CV yake inaonesha

Korogwe Girls' High School

A-Level Education

alianza 1970

na kumaliza 1971

HIGH SCHOOL

Degree miaka ya nyuma zilikuwa zinasomwa kwa miaka mingapi? maana yeye alisoma mwaka mmoja tu

Eastern & Southern Africa Management Institute

BA(Mass Communication)

alianza mwaka 1982 na kumaliza

1983

PROJECT ZA DIAMOND PLATINUMZ AMBAZO ZIMEISHIA KITANDANI

Diamond Platnumz, featured, Irene Uwoya, Jacqueline Wolper, Udaku wa Africa, Wema Sepetu, Zari The Boss Lady

Kwa uchace angalia baadhi ya Wanawake ambao awali mkali wa Bongo Flava, Nassib Abdul alikataa kuwa na mahusiano nao zaidi ya kazi na kusema ni "Project" Lakini mwisho wa siku waliangukia kuvua Nguo na kumpa yote.... Angalia mwenyewe.

WEMA SEPETU HANA MVUTO KUMFIKA ZARI THE BOSS LADY

featured, Nyota wa Bongo, Udaku wa Africa, Wema Sepetu, Zari The Boss Lady

Baada ya Team Wema kuanzisha, Hatimaye Team Zari the Boss lady featured Diamond Platnumz wamejibu mapigo, wamkeji Wema kwa kuwa na miguu isiyokuwa na mvuto. Angalia walivyozidi kuchafua hali ya hewa hapo chini...

P SQUARE, WAMPOTEZA BABA YAO

Habari za Kimataifa, Michezo na Burudani, P Square, Udaku wa Africa

Mapacha kutoka nchini Nigeria Peter Okoye&Paul Okoye P- Square pamoja na kaka yao Jude Okoye,Jumatatu ya Nov 24 wamempoteza mzazi aliyebakia ambaye ni baba yao mzazi hii ni miaka miwili tangu afariki mama yao.

tovuyi ya www.Naij.com imesema kuwa Mr.Okoye alikua akisumbuliwa na maumivu ya Goti baada ya kufanyiwa upasuaji ingawa hali iliripotiwa kuendelea vizuri.
psqdad

LADY JAY DEE "SASA NI WAKATI WANGU"

Habari za Kitaifa, Lady Jay Dee, Nyota wa Bongo, Udaku wa Africa

Baada ya tetesi kuwa ameachana na mumewe, mwanamuziki Judith Wambura maarufu Lady Jaydee amesema leo anajitokeza kwa mara ya kwanza mbele ya mashabiki wake kwani wakati wa kufanya hivyo umewadia.

Mwimbaji huyo wa wimbo “Yahaya” anayemiliki tuzo 30 za muziki, amejigamba kuwa hivi sasa yupo bize na kazi, kwani anatarajia kuachia wimbo matata alioupa jina la “Forever” ambao utaambatana na uzinduzi wa video yake Novemba 28.

“Sina habari na mtu na nitaendelea kuwa komando, kilichopo watu wasubiri kuona nitawapa nini maana leo ndiyo naachia wimbo huu, nina mengi ya kuzungumza nao pale nitakapotambulisha kibao hicho, watege tu masikio yao,” alisema Lady Jaydee.

Alisema anataraji kwamba wimbo huo mpya utapendwa na mashabiki wake ikiwa ni moja ya mikakati yake kabambe ya kuwafikia washabiki kwa ukaribu zaidi.

“Watarajie burudani waliyoizoea, nitaachia wimbo wangu leo Jumatatu na video yake nitaizindua Ijumaa na mashabiki watakaohudhuria utambulisho huu watapata bahati ya kuiona video ya “Forever” kwa mara ya kwanza,” alisema Jaydee.

Jaydee aliyepata kutamba na vibao kadhaa kwa kipindi cha takriban miaka 14, amesema wimbo huo amemshirikisha mwanamuziki wa regge, Dabo ambaye pia ni mdogo wake.

“Ni wimbo wa mapenz ambao utabamba, kazi hii imetengenezwa na prodyuza yuleyule Man Water wa Combination Sounds,” alisema.

Alisema pamoja na muziki, ataendelea kuisadia jamii kama ambavyo amekuwa akifanya kila siku na mazingira yakiendelea kuruhusu. “Mahitaji ya jamii ni mengi ila kila kinachowezekana basi Lady Jaydee atafanya kama msaada wa madawati nilioutoa Shinyanga.”

Hata hivyo, nyota huyo hakutaka kuzizungumzia tetesi zilizoenea kuwa ameachana na mumewe.

Lady Jaydee amewahi kutamba na vibao kadhaa huku akiwa na albamu tano ikiwamo, Machozi (2000), Binti (2003), Moto (2005), Shukrani (2007) na The Best of Lady Jaydee (2012).

Pages

Latest

Tafuta Hapa

Kali za Facebook

Labels

Feature

Udaku wa Africa

Habari za Kimataifa

Habari za Kitaifa

Mapenzi

Michezo na Burudani

Udaku wa Ulaya

Popular Posts

Labels

Like Page Yetu Hapa

Habari Zilizopita

Total Pageviews

Habari Mseto

Majanga